Hlăm klei drông, Khua knŭk kna Phạm Minh Chính bi mklă Việt Nam dlăng myuôm bruă mđĭ klei bi hgŭm hŏng krĭng Kplang, dlăng krĭng Mla jing sa hlăm dŭm ala čar hgŭm yuôm bhăn mơ̆ng Việt Nam ti Afrik. Dua khua gĭt gai bi mni kơ klei đĭ kyar jăk hlăm klei bi hgŭm dua nah hlăm wưng êgao, boh nik hlăm bruă kđi čar - hŏng tač êngao, bruă duh mkra, mnia blei, dhar kreh, sang hră. 

Khua knŭk kna Phạm Minh Chính mtă, hlăm wưng kơ anăp, dua tĭng brei rơ̆ng mtăp mđơr bruă mnia blei, lu jơr mnơ̆ng dhơ̆ng bi trông, mđĭ bruă ba čhĭ dŭm mta mnơ̆ng dhơ̆ng mâo klei găl mơ̆ng Việt Nam leh anăn ksiêm hriăm pŏk mlar klei bi hgŭm hlăm dŭm mta bruă mâo klei găl./.