Ti knăm anei, dua tĭng pŏk hluê ngă leh kjăp dŭm klei kuôl kă mơ̆ng phung khua kiă kriê gưl dlông, hdră kčah bi hgŭm bruă plah wah dua knŭk kna thŭn 2024, dŭm klei hưn mthâo mbĭt, boh tŭ mơ̆ng dŭm gưl hiu čhưn, mă bruă mơ̆ng phung khua gưl dlông dua ala čar, hlăm anăn mâo hdră krơ̆ng kjăp klei bi trông dŭm êpul.

Khua knŭk kna mtă hlăm wưng ti anăp, Anôk bruă ksiêm dlăng Đảng, ksiêm dlăng knŭk kna brei bi hgŭm čih mkra hdră kčah hluê ngă tŭ dưn dŭm klei kuôlk, klei bhiăn mâo leh, boh tŭ Klei bi kƀĭn tal 46 Dhar bruă mlir knŭk kna Việt Nam – Lao, hlăm anăn mtrŭt mđĭ hdră duh mkra ti krĭng ƀăng jang knông lăn, hdră êlan klông, mnia mblei, bi hgŭm hdră duh mkra msĕ si kdrŭn Vũng Áng, êlan êran pral Hà Nội-Vientiane, êlan treng Vientiane-Vũng Áng.