Dua tĭng bi mni kơ boh tŭ jăk leh 10 thŭn siñê leh anăn pŏk ngă Klei kuôl kă mnia blei êngiê plah wah Việt Nam leh anăn EAEU, đru mđĭ bruă mnia blei, pŏk mlar anôk ba čhĭ leh anăn mjing tur knơ̆ng kơ klei bi hgŭm duh bi liê. Khua knŭk kna mñă klă brei lŏ dơ̆ng ba yua tŭ dưn hĭn klei kuôl kă, mđĭ klei bi hgŭm Việt Nam - EAEU hŏng dŭm hdră, klei bi hgŭm klă klơ̆ng; pŏk anôk ba čhĭ ktang hĭn, mđĭ lar klei găl đru kơ dua tĭng.

Khua knŭk kna mtă dŭm ala čar hlăm EAEU lŏ dơ̆ng pŏk ngă tŭ dưn klei bhiăn bi hgŭm, hmao msir mgaih klei gun kpăk hdră mnêč; pŏk mlar klei mnia blei mnơ̆ng dhơ̆ng lŏ hma, kan hdang, điện tử leh anăn mnơ̆ng dhơ̆ng mâo klei găl mơ̆ng Việt Nam. Dua tĭng bi tŭ ư mđĭ klei bi hgŭm hlăm ai tiê bi đru kơ klei tŭ dưn jăk, tơdah amâo myun đru bi klam, mđing mđĭ ktar kjăp leh anăn sui.