Khua knŭk kna Phạm Minh Chính drông Khua Êpul group Adani – Êpul group bruă duh mkra prŏng mŏng India.
Thứ bảy, 09:04, 23/12/2023
VOV TAYNGUYEN
VOV TAYNGUYEN
VOV4.Êđê- Tlam 22/12, ti Anôk bruă knŭk kna, Khua knŭk kna Phạm Minh Chính drông leh Gautam Adani, Khua Êpul group Adani – Êpul group bruă duh mkra prŏng mrô sa India, hŏng ênoh prăk duh êbeh 200 êklai USD, dôk ksiêm dlăng čiăng duh hlăm brô 10 êklai USD ti Việt Nam hlăm 10 thŭn ti anăp.
Bi mni Khua Êpul group Adani nao čhưn ti Việt Nam lehanăn h’êč hmưi kơ Adani lŏ dơ̆ng đĭ kyar, Khua knŭk kna bi êdah klei m’ak hlăk ƀuh Klei bi mjĕ ƀĭng hgŭm phŭn kluôm plah wah Việt Nam – India dôk đĭ kyar jăk hlăm djăp mta bruă djŏ hŏng klei găl mâo.
Khua knŭk kna m’ak hlăk ƀuh Êpul group Adani pŏk Adŭ bi ala ti Việt Nam lehanăn čih mkra hdră kčah duh bi liê wưng sui hlăm Việt Nam. Khua knŭk kna mñă, Việt Nam srăng đru, mjing djăp klei găl kơ anôk bruă duh mkra, hlăm anăn mâo anôk bruă mơ̆ng India lehanăn Adani pŏk ngă bruă tŭ dưn lehanăn h’ĭt kjăp ti Việt Nam, đru mguôp hlăm hdră mkŏ mkra Klei bi mjĕ ƀĭng hgŭm phŭn kluôm plah wah 2 ala čar đĭ kyar hĭn./.
Viết bình luận