Hlăm mmông drông, Khua knŭk kna Phạm Minh Chính mñă klă Việt Nam mlih mrâo gru hmô mđĭ kyar, hlăm anăn brei mđĭ kyar pral leh anăn kjăp; mơ̆ng klei kreh knhâo kdrăp mrâo, mlih mrâo mbruă, mlih mrô; mđĭ kyar bruă duh mkra mtah, bruă duh mkra kluôm, bruă duh mkra mbruă, boh nik mđĭ kyar bruă bán dẫn.

Khua knŭk kna mtă kơ Êpul hgŭm bruă duh mkra bán dẫn kluôm rŏng lăn leh anăn dŭm êpul grup mđĭ bi hgŭm hŏng dŭm ƀĭng hgŭm Việt Nam hlăm bruă mkŏ mjing anôk bruă nah gŭ, jao kdrăp kăp đru, boh nik bi hgŭm mđĭ kyar mnuih mă bruă hlăm bruă bán dẫn, klei thâo, đru Việt Nam mkŏ mjing êpul thơ̆ng kơ bruă leh anăn phung mâo hdră mnêč mâo klei thâo dlông rŏng lăn ngă djŏ klei čiăng anôk ba čhĭ. Knŭk kna Việt Nam bi mklă klei gĭr mđĭ kyar ktang bruă tuh tia mkra mjing bán dẫn, mđing kơ klei kñăm ba Việt Nam jing klei yuôm bhăn hlăm hdră mkăp bán dẫn kluôm rŏng lăn.