Khua knŭk kna Phạm Minh Chính brei thâo, Việt Nam bi myuôm klei bi mjĕ hŏng Alêmăng hlăm djăp mta ra bruă lehanăn bi mni kơ boh tŭ hdră mnia mblei mơ̆ng Siemens hlăm tar rŏng lăn, hlăm anăn mâo ti Việt Nam, boh nik dŭm hdră djŏ tuôm kơ pui kmlă - kdrăp maĭ mŏk, mkra mjing, mđĭ kyar anôk bruă pui kmlă lehanăn hdră mrâo mrang bruă tuh tia mkra mjing, mđĭ kyar êlan treng. Čiăng đru pŏk ngă dŭm klei kuôl kă mơ̆ng phung khua êmua gưl dlông dua ala čar, Khua knŭk kna mtă kơ Siemens lŏ dơ̆ng mđĭ hdră bi hgŭm hŏng Việt Nam hlăm bruă mdrao mrâo, mtrŭt mđĭ hdră mlih mrâo, bi mlih mtah, mđĭ kyar anôk bruă pui kmlă doh, mkŏ mjing anôk bruă ksiêm dlăng lehanăn mđĭ kyar mơ̆ng Siemens ti Việt Nam

Siemens jing êpul group prŏng mơ̆ng Alêmang, mâo lu klei thâo lehanăn hdră ngă jăk hlăm bruă tuh tia mkra mjing, kriê dlăng klei suaih pral, bruă êlan klông lehanăn mđĭ kyar anôk bruă nah gŭ mrâo mrang. Êpul group mâo 320 êbâo čô mnuih mă bruă lehanăn ênoh hrui mâo hlăm tar rŏng lăn truh 78 êklai euro hlăm thŭn 2023./.