Blŭ hrăm ti anôk drôn, Khua knŭk kna Phạm Minh Chính hơêč hmưi lehanăn bi mni klei tŭ dưn prŏng mơ̆ng êpul grŭp Marriott hlăm klei mđĭ kyar bruă sang jưh, lehanăn anôk mdei msăn jăk dlông rŏng lăn lehanăn wăt ti Việt Nam.

Čiăng lŏ dơ̆ng hgŭm hlăm wưng tinăp, khua knŭk kna čang hmăng kơ Marriott pŏk mlar hĭn klei duh bi liê kơ bruă hiu čhưn ênguê, bruă sang jưh, klei mdei msăn, mkŏ bruă hiu čhưn ênguê Việt Nam hŏng alŭ wăl lehanăn tar rŏng lăn mjing lu mta mnơ̆ng, mâo klei kiă kriê kjăp đru mdrăm mbĭt hŏng Việt Nam kơrŭ wĭt lehanăn mđĭ kyar bruă hiu čhưn ênguê, lehanăn êlan êdeh phiơr hlăm wưng ti anăp./.