Khua knŭk kna Phạm Minh Chính hơ̆k mơak kkuh čhưn Shiota Koichi lehanăn êpul khua bi ala mơ̆ng čar Kagoshima hriê čhưn ti Việt Nam djŏ hlăm wưng dua ala čar bi hdơr 50 thŭn klei hgŭm dua nah. Tui si khua knŭk kna, klei hgŭm kluôm dua ala čar mâo klei jăk. Japon lŏ jing ala čar hgŭm yuôm bhăn hŏng Việt Nam, jing pô đru ODA prŏng hĭn, jing pô duh bi liê, lehanăn mâo ênoh hiu čhưn ênguê dôk tal 3, jing pô duh mkra mnia mblei dôk tal 4 hŏng Việt Nam.

Khua knŭk kna lač plah wah čar Kagoshima lehanăn dŭm alŭ wăl ti Việt Nam. Khua knŭk kna čang hmăng kơ khua kiă kriê lehanăn bruă sang čư̆ êa Kagoshima mtrŭt phung duh mkra mơ̆ng čar hrie duh bi liê lu hĭn ti Việt Nam msĕ si bruă êdeh ôtô, bruă elektronik, bruă lŏ hma bruă mkra mjing boh mnga, lehanăn bruă tuh tia.