VOV4.Êđê- Tlam hruê 5/8 mbruê, Khua knŭk kna Phạm Minh Chính drông leh Roh Tae-Moon, Khua êpul group Samsung điện tử (Dhŭng Korea) dôk čhưn, mă bruă ti Việt Nam. Ti knăm anei, Khua knŭk kna mñă, Việt Nam ƀuăn mjing djăp klei găl, mkra mđĭ wăl duh bi liê kơ anôk bruă ala tač êngao hlăm anăn mâo Samsung, ksiêm dlăng lehanăn msir mghaih dŭm klei akâo mơ̆ng Samsung, hlăm anăn mâo bruă mjuăt bi hriăm, mđĭ klei thâo mnuih mă bruă mkăp kơ anôk bruă duh mkra, phung duh bi liê. Khua knŭk kna čang hmăng Samsung lŏ dơ̆ng đru mguôp klei bhiăn, hdră mtrŭn lehanăn pŏk mlar hdră duh bi liê, mnia mblei, dlăng Việt Nam jing anôk yuôm bhăn hlăm tar rŏng lăn djŏ tuôm kơ bruă duh mkra, ksiêm dlăng – mđĭ kyar dŭm mta mnơ̆ng truh kơ wăl anôk blei mnia tar rŏng lăn, đru ba klei bi mjĕ dua ala čar truh ti hnơ̆ng mrâo, ƀrư̆ hruê ƀrư̆ êlam hĭn, klă sĭt lehanăn tŭ dưn./.

                                                    Pô mblang: H’Nêč Êñuôl