Khua knŭk kna Phạm Minh Chính drông Khua kriê dlăng Klei bi kƀĭn trông bruă duh mkra tar rŏng lăn
Thứ năm, 00:00, 27/06/2024
VOV TAYNGUYEN
VOV TAYNGUYEN
VOV4.Êđê- Hlăm hdră nao ti Klei bi kƀĭn trông bruă duh mkra tar rŏng lăn Đại Liên 2024, aguah 26/6, Khua knŭk kna Phạm Minh Chính drông leh nai prŏng Klaus Schwab, Pô mkŏ mjing hlŏng jing khua kriê dlăng Klei bi kƀĭn trông bruă duh mkra tar rŏng lăn.
Ti knăm anei, dua tĭng mơak ti anăp klei đĭ kyar hlăm klei bi mjĕ plah wah Việt Nam lehanăn Klei kƀĭn trông bruă duh mkra tar rŏng lăn wưng êgao, boh nik bruă bi mklă Hră bi hdơr hgŭm bruă wưng thŭn 2023-2026 hlăk thŭn êlâo ti Klei kƀĭn trông bruă duh mkra tar rŏng lăn Thiên Tân.
Dua tĭng tŭ ư pŏk ngă tŭ dưn Hră bi hdơr hgŭm bruă, ba hdră tuh tia mrâo mrang 4.0 ti ƀuôn prŏng Hồ Chí Minh jing anôk bruă phŭn mrô sa ti krĭng wăl. Ƀri gưl anei, nai prŏng Schwab mơĭt leh asăp jak iêu Khua knŭk kna Phạm Minh Chính nao ti Klei kƀĭn trông bruă duh mkra tar rŏng lăn ti Davos thŭn 2025.
Viết bình luận