Khua knŭk kna Phạm Minh Chính hơ̆k mơak drông Khua mil čhil Mongol Khurelsukh, lač kơ gưl nao čhưn jing yuôm bhăn snăk, mkŏ mjing êlâo kơ gưl bi hdơr 70 thŭn mkŏ mjing wưng bi hgŭm hŏng tač êngao hlăm thŭn 2024 leh anăn ba klei bi hgŭm knhuah gru dua nah jing wưng đĭ kyar mrâo, klă sĭt, tŭ dưn hĭn hlăm jih jang bruă, djŏ guôp hŏng klei găl, klei čiăng dua tĭng, bi knar hŏng klei bi hgŭm kđi čar jăk siam plah wah dua ala čar.

Khua knŭk kna bi mni kơ dua tĭng pŏk êlan phiơr leh anăn bi siñê klei kuôl kă kơ klei lăm lui hră mơar kơ phung mŭt hlăm ala čar, mơ̆ng anăn mjing klei găl mđĭ bruă hiu čhưn ênguê, mnia blei leh anăn mđĭ klei mjĕ êrô dua ala čar.