Khua knŭk kna Phạm Minh Chính bi mklă, hŏng ai tiê “klei tŭ dưn hơ̆k mơak, klei amâo myun bi đru”, Việt Nam mđing nanao, dlăng bruă mkra mđĭ wăl bi liê, ƀuăn rơ̆ng mjing klei găl kơ dŭm anôk bruă ala tač êngao anăn mâo dŭm anôk bruă duh mkra Dhŭng Korea leh anăn êpul grup Samsung ngă bruă mkra mjing mnia blei hơĭt kjăp, tŭ dưn, sui ti Việt Nam.

Hlăm wưng kơ anăp, Khua knŭk kna mtă kơ Êpul grup lŏ dơ̆ng pŏk mlar bi liê hlăm bruă mâo klei găl msĕ si bruă tuh tia mrâo mrang, điện tử, chíp bán dẫn; bi liê mđĭ kyar hĭn hlăm bruă mlih mrô, đĭ kyar mtah, bruă duh mkra kluôm, đru mtô bi hriăm mnuih mă bruă hnơ̆ng jăk ti Việt Nam.