Khua knŭk kna Phạm Minh Chính mñă klă, Việt Nam dlăng yuôm bhăn klei mjĕ giăm bi hgŭm leh anăn bi mguôp lu mta bruă hŏng Hungary hlăm hƀuê ênuk êbeh 70 thŭn, mñă kơ dua tĭng rơ̆ng klei bi trông êpul gưl dlông leh anăn dŭm gưl, mđĭ hĭn klei bi mguôp hlăm djăp mta bruă, hlăm anăn mâo wăt hdră bhiăn.

Khua phŭn bruă hdră bhiăn Hungary hơêč leh anăn bi êdah klei hơ̆k mơak ti anăp klei đĭ kyar mơ̆ng bruă duh mkra Việt Nam hlăm wưng bruă duh mkra tar rŏng lăn dôk tuôm hŏng lu klei dleh dlan. Khua phŭn bruă mñă klă, Hungary hmăng mhưi bi mguôp hĭn hŏng Việt Nam hlăm bruă hdră bhiăn, boh nik hlăm dŭm mta phŭn Khua knŭk kna bi trông leh, mbĭt anăn brei thâo, Hungary srăng đru 200 klei đru hriăm kơ bruă hdră bhiăn kơ Việt Nam.