VOV4.Êđê- Khua knŭk kna Phạm Minh Chính drông čhưn leh hŏng khua phŭn bruă hlue ngă hdră bhiăn Lao Phayvy Siboualypha djă akŏ Êpul bi ala Phŭn bruă hluê ngă hdră bhiăn Lao hriê čuă lehanăn ngă bruă ti Việt Nam. Khua knŭk kna bi myuôm boh tŭ dưn klei bi trông plah wah dua Phŭn bruă hlue nga hdră bhiăn Việt Nam lehanăn Lao, đăo knang Phŭn bruă hlue ngă hdră bhiăn dua ala čar srăng mkŏ mjing tŭ jing knăm bi hdơr 40 thŭn klei hgŭm bruă hdră bhiăn, hlue ngă hdră bhiăn, lehanăn klei bi kƀĭn bruă hluê ngă hdră bhiăn dŭm čar mâo knông lăm mbĭt Việt Nam – Lao pŏk mlar gưl tal 5, mguôp hŏng boh tŭ dưn thŭn bi mguôp Việt Nam – Lao, Lao – Việt Nam 2022. Hlăm wưng kơ anăp, Khua knŭk kna čang hmăng kơ dua ala čar mâo klei bi mguôp hĭn čiăng dưi găn jih klei dleh dlan, klei lông dlăng, mtrŭt mđĭ hĭn klei hgŭm dua phŭn bruă anei, khua knŭk kna sa ai hŏng hdră êlan bi hgŭm dua phŭn bruă, lehanăn srăng đru kơ Lao kơ bruă hdră bhiăn lehanăn hlue ngă hdră bhiăn bi leh hdră êlan mkŏ mjing knŭk kna yang ƀuôn ngă phŭn êngiê, čang hmăng kơ čô khua phŭn bruă lŏ dơ̆ng ksiêm duah, lehanăn hlue ngă klă mngač, djŏ guôp tŭ jing hĭn./.

Pô mblang: Y-Khem Niê