VOV4.Êđê - Tlam hruê 27/6, ti Anôk bruă knŭk kna, Khua knŭk kna Phạm Minh Chính drông leh Khua phŭn bruă hŏng tač êngao Australia aduôn Penny Wong hriê kkuh ƀri gưl Khua phŭn bruă dôk čhưn ti Việt Nam mŏng hruê 26-28/6/2022. Ti knăm anei, Khua knŭk kna Phạm Minh Chính bi mni kơ klei đĭ kyar hlăm klei Bi mjĕ ƀĭng hgŭm phŭn Việt Nam - Australia hlăm wưng êgao, bi trông lehanăn bi tuôm êpul gưl dlông dưi mkŏ mjing nanao, ênoh prăk bi mnia mblei dua ala čar gưl tal êlâo êgao 10 êklai USD, mâo 12,4 êklai USD hlăm thŭn 2021 lehanăn Việt Nam mphŭn mâo hdră duh bi liê ti Australia. Khua knŭk kna Phạm Minh Chính akâo kơ knŭk kna mrâo mơ̆ng Australia lŏ dơ̆ng mđing dlăng, mtrŭt mđĭ klei bi mjĕ hŏng Việt Nam, mtrŭt mđĭ hdră bi hgŭm bruă mnia mblei lehanăn duh bi liê hluê bruă ba yua jih klei găl mâo mơ̆ng dua ala čar, mđĭ hdră bi hgŭm hlăm bruă mtô bi hriăm, bruă dhar kreh lehanăn hiu čhưn ênguê./.

H’Nêč pô mblang