Hlăm mmông drông, Khua knŭk kna đăo knang gưl hriê čhưn mơ̆ng Khua phŭn bruă Bakhtiyor Saidov srăng đru mguôp yuôm bhăn hlăm klei mđĭ kyar leh anăn pŏk mlar klei bi hgŭm dua nah hlăm wưng kơ anăp. Khua knŭk kna lač, mơ̆ng tur knơ̆ng bi hgŭm knhuah gru, brei mđĭ klei bi hgŭm kluôm hlăm dŭm bruă Đảng, Knŭk kna, Bruă kƀĭn ala mơ̆ng klei bi trông êpul; ăt msĕ mơh mkŏ mjing klei bhiăn mrâo plah wah dŭm dhar bruă. Boh nik dua tĭng brei bi hgŭm čiăng mkŏ mjing tŭ dưn klei bi tuôm plah wah dŭm anôk bruă duh mkra leh anăn alŭ wăl dua ala čar hlăm hruê anei (19/3).

Khua knŭk kna Phạm Minh Chính mtă kơ dua ala čar brei mđĭ ktang klei bi hgŭm kơ bruă sang hră - mtô bi hriăm, dhar kreh- kdŏ mmuiñ, hiu čhưn ênguê leh anăn mjĕ êrô mnuih ƀuôn sang, bi tuôm dŭm êpul bruă kđi čar - ala ƀuôn msĕ si phung hriăm gưl prŏng, êdam êra đru mđĭ klei thâo săng kơ phung mda asei leh anăn mđĭ klei bi hgŭm mnuih ƀuôn sang dua ala čar./.