Khua knŭk kna Phạm Minh Chính mñă, Việt Nam tŭ ư hluê ngă hdră mtrŭn hŏng tač êngao klah hjăn, hnŭk êngiê, lu tĭng, jing ƀĭng găp, ƀĭng hgŭm đăo knang, mâo klei đua klam hŏng êpul êya tar rŏng lăn kyua mta kñăm êđăp ênang, bi hgŭm, mđĭ kyar ti krĭng lehanăn tar rŏng lăn; dlăng yuôm lehanăn čang hmăng hŏng Japon pŏk ngă klă sĭt, tŭ dưn klei bi hgŭm phŭn, kluôm dhuôm kyua klei êđăp ênang lehanăn đĭ kyar ti krĭng Asi lehanăn tar rŏng lăn.

Ti knăm anei, dua tĭng bi trông leh kơ bruă hlăm krĭng lehanăn tar rŏng lăn. Dua nah mñă leh klei yuôm bhăn hlăm bruă rơ̆ng klei êđăp ênang, klei êngiê êlan êa ti krĭng Êa ksĭ Ngŏ, msir mghaih jih klei bi kuan mmiă hliê djŏ hdră bhiăn tar rŏng lăn, boh nik Hdră bhiăn mơ̆ng Êpul hgŭm lu ala čar lehanăn klei kuôl kă mơ̆ng Êpul hgŭm lu ala čar kơ hdră bhiăn Êa ksĭ UNCLOS thŭn 1982./.