Khua knŭk kna Phạm Minh Chính mñă klă UAE jing sa hlăm dŭm ala čar hgŭm mrô sa mơ̆ng Việt Nam ti krĭng Msăt Boh Lăn. Wăt tơdah tuôm hŏng lu klei dleh dlan kyua klei ruă tưp leh anăn boh klei dlông rŏng lăn, ƀiădah bruă mnia blei dua nah thŭn 2022 mâo giăm 5 êklai USD.

Hlăm wưng kơ anăp, Khua knŭk kna mtă kơ dua tĭng mđĭ klei bi hgŭm duh mkra, mnia blei, bi liê, hlăm anăn mđĭ bi trông Klei kuôl kă ƀĭng hgŭm kluôm Việt Nam - UAE hŏng klei pral hĭn, akâo kơ UAE pŏk mlar anôk ba čhĭ mnơ̆ng dhơ̆ng ba čhĭ kơ ala tač êngao mơ̆ng Việt Nam. Phŭn bruă mnia blei UAE bi mklă Việt Nam jing ƀĭng hgŭm yuôm bhăn mơ̆ng UAE, boh nik hlăm klei mđĭ kyar bruă mnia blei hŏng ASEAN, lač dua tĭng mâo lu klei bi msĕ čiăng dưi bi đru mđĭ kyar./.