VOV4.Êđê - Tlam mbrue (6/9), Khua knŭk kna Phạm Minh Chính drông čhưn leh Khuong Sreng khua kiă kriê ƀuôn prŏng Phŭn Phnom Penh, ala čar Campuchia hlăk maoa gưl hriê čhưn lehanăn mă bruă ti ƀuôn prŏng phun Hà Nội, lehanăn ƀuôn prŏng Hồ Chí Minh.

Ti anôk drông, Khua knŭk kna bi myuôm hlăm wưng leh êgao, klei hgŭm dua ala čar mâo klei đĭ kyar jăk, Phung khua kiă kriê gưl dlông dua ala čar mâo nanao klei bi tuôm, bi trông, boh nik klei bi tuôm mơ̆ng Khua gĭt gai Đảng Nguyễn Phú Trọng, hŏng khua ki kriê Đảng Yang ƀuôn Campuchia, Khua knŭk kna Hunsen, lehanăn khua gĭt gai Đảng, khua lăn čar Lao Thongloun Sisolith, jih jang klei bhiăn bi hgŭm dua nah dưi hyuă kjăp. Khua knŭk kna čang hmăng dua nah lŏ dơ̆ng mđrăm mbĭt bi hgŭm hlăm djăp mta, mkŏ mjing lehanăn răng mgang kjăp knông lăn mbĭt, mđĭ klei bi mnia mblei ti ƀăng jang knông lăn, mjing klei găl kơ phung duh mkra dua ala čar ngă bruă, mâo klei hgŭm kjăp bruă sang hră mơar, klei bi mguôp dhar kreh hiu čhưn ênguê./.

Y-Khem pô mblang