Ti anôk drông, khua knŭk kna lehanăn k’iăng khua kiă kriê EC hơ̆k mơak ƀuh hlăm wưng êgao klei duh kra mnai mblei Việt Nam EU mâo klei đĭ kyar jăk, amâo mâo uêñ mơ̆ng klei dleh dlan kyua klei ruă tưp COVID 19, lehanăn klei toh hroh bruă duh mkra.

EU jing leh anôk bi mnia mblei prŏng dôk tal 4, (êdei kơ China, Mi, Dhŭng Korea) jing anôk čhĭ mnia prŏng tal 3 lehanăn blei mnơ̆ng lu tal 5 kơ Việt Nam. Bi Việt Nam jing ala čar hgŭm prŏng kơ EU ti ASEAN. Khua knŭk kna mñă Việt Nam yap EU jing anôk năng đăo knang hlăm hdră êlan bi hgŭm hŏng tač êngao mơ̆ng pô. Čiăng ngă jăk hĭn jih jang klei bi mguôp Việt nam – EU, khua knŭk kna čang hmăng kơ dua nah lŏ bĭ hĭn klei bi mjĕ êrô gưl khua prŏng, bi hgŭm hlăm djăp mta brŭ jing doh mngač, bruă bi mlih mrô, klei duh mkra kluôm, bi đru hlăm bruă knuă mkra mjing lehanăn mjuăt bi hriăm mnuih ngă bruă./.