Ti knăm anei, dua tĭng bi mni klei đĭ kyar hlăm klei bi mjĕ djăp mta ra bruă mơ̆ng dua ala čar. Klei bi mjĕ ƀrư̆ hruê h’ĭt kjăp lehanăn đăo knang. Dŭm hdră bi hgŭm phŭn msĕ si lĭng kahan, răng mgang klei êđăp ênang, dhar kreh, mjuăt bi hriăm lehanăn bi hgŭm dŭm alŭ wăl mơ̆ng Việt Nam – Lao mâo mđing mtrŭt mđĭ.

Khua knŭk kna Phạm Minh Chính mtă kơ dŭm anôk bruă djŏ tuôm mơ̆ng dua ala čar mjêč ksiêm dlăng dŭm hdră bi hgŭm lehanăn ruh mtlaih klei dleh, gun kpăk mơ̆ng dŭm hdră bruă, gĭr ba klei bi mjĕ dua ala čar đĭ kyar tŭ dưn hĭn./.