Khua knŭk kna Phạm Minh Chính drông K’iăng khua knŭk kna, Khua phŭn bruă hŏng tač êngao Thái Lan
Thứ năm, 10:08, 26/10/2023
VOV Tây Nguyên
VOV Tây Nguyên
VOV4.Êđê- Tlam mbruê 25/10, ti Anôk bruă knŭk kna, Khua knŭk kna Phạm Minh Chính drông leh K’iăng Khua knŭk kna, Khua phŭn bruă hŏng tač êngao Thái Lan Parnpree Bahiddha-Nukara ƀri gưl hriê čhưn ti Việt nam mơ̆ng hruê 25-26/10/2023.
Hlăm mmông drông, Khua knŭk kna Phạm Minh Chính ksiêm dlăng gưl nao čhưn tal anei srăng đru bi êlam hĭn klei bi hgŭm Việt Nam- Thái Lan.
Bi trông kơ klei bi hgŭm dua nah, Khua knŭk kna Phạm Minh Chính mtă kơ dua ala čar lŏ dơ̆ng mđĭ leh anăn ba klei bi hgŭm yuôm bhăn Việt Nam-Thái Lan đĭ sa hnơ̆ng mrâo; mđĭ klei bi trông êpul gưl dlông leh anăn dŭm gưl hlăm bruă Đảng, Knŭk kna leh anăn Bruă kƀĭn ala; pŏk ngă tŭ dưn klei bhiăn bi hgŭm dua nah, boh nik klei bhiăn bi kƀĭn knŭk kna mbĭt kyua dua Khua knŭk kna gĭt gai. Khua knŭk kna ăt mtă kơ dua tĭng gĭr hlue ngă Hdră ngă bruă pŏk ngă klei bi hgŭm Việt Nam-Thái Lan wưng 2022 -2027.
Viết bình luận