Mơak mâo bi tuôm hŏng Cờ-lao Gien-mơ, leh klei mă bruă hlăm mlan 1 leh êgao ƀri gưl nao čhưn kơ ala čar Czech mơ̆ng khua knŭk kna, Khua knŭk kna Phạm Minh Chính hơêč hmưi kơ sang mkra mjing ôtô Thành Công Việt Hưng klă klơ̆ng mă bruă, kruak knăl klei bi hgŭm plah wah Việt Nam lehanăn ala čar Czech, boh nik leh dua ala čar mđĭ klei bi hgŭm.

Bi mklă knŭk kna Việt Nam ƀuăn mđrăm mbĭt hŏng phung duh mkra mă bruă djŏ klei bhiăn, tŭ jing, mđĭ klei tŭ dưn bruă bi hgŭm, Khua knŭk kna Phạm Minh Chính čang hmăng kơ (Skoda Auto) lŏ pŏk mlar klei duh mkra mnia mblei, bi hgŭm hŏng phung duh mkra Việt Nam hlăm bruă mkra mjing ôtô; lehanăn jih jang bruă mkra mjing êdeh ôtô Việt Nam.