Khua knŭk kna Phạm Minh Chính drông phung Khua gĭt gai Êpul grup duh mkra Australia
Thứ bảy, 09:11, 09/03/2024
VOV Tây Nguyên
VOV Tây Nguyên
VOV4.Êđê- Hlăm hdră nao čhưn klă sĭt ti Australia, tlam 8/3, (mmông alŭ wăl), ti Canberra, Khua knŭk kna Phạm Minh Chính drông leh đa đa khua dŭm Êpul grup, anôk bruă duh mkra mrô sa Australia hlăm dŭm bruă bi liê ngăn prăk leh anăn mđĭ kyar anôk bruă nah gŭ; ba yua, mkra mjing mnơ̆ng hlăm gŭ lăn; mkra mjing, mbha mnơ̆ng ƀơ̆ng huă… dôk čang hmăng bi hgŭm, bi liê ti Việt Nam.
Khua knŭk kna Phạm Minh Chính bi mni kơ bruă bi liê mnia blei tŭ dưn mơ̆ng dŭm êpul grup; bi mni kơ dŭm êpul grup ngă leh, leh anăn dôk mâo hdră kčah bi liê ti Việt Nam; mtă kơ dŭm êpul grup hlăm hdră ksiêm mkă pŏk ngă dŭm hdră bi hgŭm klă klơ̆ng, bi hgŭm kjăp hŏng dŭm Phŭn, dhar bruă, dŭm anôk bruă Việt Nam leh anăn dŭm ƀĭng hgŭm djŏ tuôm pŏk ngă dŭm bruă ngă hlue si Hdră kčah, ba yua kdrăp mrâo mrang, mđĭ klei đru, ba jao kdrăp mrâo, ba dŭm anôk bruă duh mkra Việt Nam hgŭm êlam hĭn hlăm hdră mkăp kluôm rŏng lăn.
Khua knŭk kna brei thâo, Việt Nam ƀuăn rơ̆ng srăng mjing djăp klei găl čiăng Êpul grup bi liê mnia blei tŭ dưn, hơĭt kjăp ti Việt Nam; răng mgang klei dưi, boh tŭ djŏ klă mơ̆ng phung bi liê./.
Viết bình luận