Ti anôk bi kƀĭn WEF Đại Liên 2024 mâo truh 1.600 čô pô bi ala. Khua knŭk kna Phạm Minh Chính jing sa čô khua djă akŏ kơ knŭk kna mâo WEF lehanăn pô sang jing China iêo jak nao ti anôk bi kƀĭn anei mâo leh dua thŭn mtam. Klei anei bi êdah WEF lehanăn China ƀuh yuôm bhăn kơhưm mơ̆ng Việt Nam hŏng bruă klam mđĭ kyarr bruă duh mkra tar rŏng lăn, lehanăn hdră êlan mđĭ kyar bruă duh mkra ti Việt Nam kơ êdei anăp.

Ti anôk bi kƀĭn, Khua knŭk kna mâo lu hdră srăng mă bruă, dua nah lehanăn bi tuôm lu tĭng. Boh nik hlăm thŭn anei, gưl tal êlâo khua knŭk kna mâo klei blŭ hrăm ti anôk pŏk klei bi kƀĭn, mbĭt hŏng khua knŭk kna China Lý Cường lehanăn phung khua kiă kriê dŭm ala čar mkăn. Êngao anăn, Khua knŭk kna srăng blŭ hrăm ti anôk trông čhai ti anôk bi kƀĭn, kiă kriê dŭm klei bi blŭ hrăm hŏng phung duh mkra pioh hjăn kơ bruă Việt Nam.