Hlăm anăn, Khua knŭk kna mtă mđĭ bruă brei čan prăk knŭk kna, Hdră kơrŭ wĭt, 3 hdră kñăm ala čar, kƀĭn ruh mghaih klei dleh dlan kơ bruă mkra mjing mnia blei; mđĭ klei iêô mkrum leh anăn ba yua tŭ dưn klei găl, hlue ngă bi jăk leh anăn hrăm mbĭt dŭm hdră êlan, hdră msir kơ jia, ênoh bi liê, mnia blei... mtrŭn leh.

Boh nik Khua knŭk kna mtă kƀĭn mđĭ kyar ktang dŭm dhar bruă lu jing kơ bruă tuh tia mkra mjing. Mđĭ kyar mkra mjing lŏ hma, boh nik mnơ̆ng ƀơ̆ng huă, mđĭ kyar bruă tuh tia mkra mjing lŏ hma leh anăn dŭm mta mnơ̆ng dhơ̆ng lŏ hma mâo hnơ̆ng jăk, ênoh yuôm. Ba yua jăk klei găl ba čhĭ mnơ̆ng dhơ̆ng lŏ hma kơ ala tač êngao, rơ̆ng djăp mnơ̆ng ƀơ̆ng huă hlăm ala čar./.