Khua knŭk kna mñă, klei bi kƀĭn anei kñăm ruh mtlaih klei dleh dlan kơ prăk duh hlăm hdră duh mkra, kyua anăn brei mđing hmư̆ klei blŭ mơ̆ng phung djŏ tuôm hŏng klei mpŭ, mtă kơ phung bi ala mâo klei blŭ klă mngač, hưn mdah boh sĭt dôk mâo, ba mdah dŭm hdră msir klă klơ̆ng, djŏ guôp, tŭ dưn, mdưm klei tŭ kơ ala čar, kơ djuê ana, knơ̆ng prăk, anôk bruă duh mkra jing mrô sa tal êlâo hĭn. Khua knŭk kna lač klă, klei knơ̆ng prăk djŏ tuôm kơ anôk bruă duh mkra, anôk bruă duh mkra lehanăn knơ̆ng prăk djŏ tuôm kơ hdră duh mkra mơ̆ng ala čar.

Hdră duh mkra đĭ kyar snăn knơ̆ng prăk lehanăn anôk bruă duh mkra ăt đĭ kyar mơh, mklăk hŏng anăn knơ̆ng prăk, anôk bruă duh mkra đĭ kyar snăn ala čar ăt đĭ kyar mơh. Khua knŭk kna mtă brei mđing duah klei hlak mblang kơ klei anei kyua hdră čan prăk dôk tuôm hŏng lu klei dlan, mâo prăk ƀiădah ka dưi ba yua, brei bi trông hluê ai tiê klă mngač, mpŭ lehanăn mđing hmư̆./.