Bruă pŏk ngă Hdră 06 ba wĭt leh dŭm boh tŭ dưn klă klơ̆ng hlăm hdră kriê dlăng, gĭt gai mơ̆ng dŭm gưl, dhar bruă, alŭ wăl lehanăn mkăp kơ hdră mđĭ kyar bruă duh mkra – ala ƀuôn, mkăp klei jăk găl kơ mnuih ƀuôn snag, anôk bruă duh mkra mnia mblei. Hdră bruă 06 đru mguôp hlăm klei ba anăp, ktrâo lač hlăm bruă mtrŭt mđĭ hdră mlih mrô ala čar, mlih mrâo hlăm hdră kriê dlăng mơ̆ng ala čar hŏng kdrăp mrâo, đru mtrŭt mđĭ kyar bruă Knŭk kna mrô, bruă duh mkra mrô, yang ƀuôn mrô, mnuih ƀuôn sang mrô.

Khua knŭk kna brei Klei bi kƀĭn mđing tĭng dlăng djŏ klă, mâo mrô bi mklă kơ boh tŭ hluê ngă dŭm bruă klam, bi êdah klă dŭm bruă dưi ngă, dŭm klei êdu kƀah, ka dưi ngă. Mbĭt anăn ba mdah dŭm hdră msir kơ klei bhiăn, hdră mtrŭn duh bi liê mđĭ kyar anôk bruă nah gŭ mrô, mđĭ kyar mnuih mă bruă mrô, rơ̆ng klei êđăp ênang êlan mạng, klei êđăp ênang bruă hâo hưn./.