Khua knŭk kna Pham Minh Chính gĭt gai klei bi kƀĭn êpul kiă kriê bruă mkra êlan phŭn
Thứ sáu, 00:00, 09/08/2024
VOV Tây Nguyên
VOV Tây Nguyên
VOV4.Êđê- Aguah mbrue 8/8, Khua knŭk kna Phạm Minh Chính, Khua kiă kriê mơ̆ng knŭk kna gĭt gai dŭm bruă prŏng mơ̆ng lăn čar rŭ mkra, mta phŭn kơ bruă mkra êlan klông, mkŏ mjing leh klei bi kƀĭn tal 13 mơ̆ng êpul khua kiă kriê.
Ti anôk bi kƀĭn tal 12 Êpul khua kiă kriê, Khua knŭk kna Phạm Minh Chính jao leh 57 mta bruă phŭn kơ dŭm phŭn dhar bruă, alŭ wăl mâo hlăm anăn mâo 11 mta bruă čuăn mâo wưng kčah. Lehanăn, Khua knŭk kna, phung k’iăng khua knŭk kna mâo leh 12 mta hră mơar hlue ngă jih jang bruă čuăn anăn.
Khua knŭk kna lač, mâo dŭm bruă dôk ngă ka leh, brei lŏ mâo klei gĭr hĭn, čiăng bi leh pioh kkuh mơak klei bi kƀĭn prŏng Đảng dŭm gưl, anăp truh kơ klei bi kƀĭn prŏng Đảng kluôm ala gưl XIV, bi hdơr 80 thŭn hrue mkŏ mjing lăn čar, 50 thŭn hrue kwar dhŭng mâo klei êngiê, mhluh lir lăn čar. Khua knŭk kna mtă kơ phung khua kiă kriê mâo klei ksiêm wĭt hŏng klei kjăp, mghaih msir jih jang bruă dôk gun kpăk, mđĭ bruă ngă hlăm wưng ti anăp./.
Viết bình luận