Blŭ hrăm ti knăm anei, Khua knŭk kna Phạm Minh Chính lač klă: Tar rŏng lăn mâo lu klei bi mlih hŏng klei pral dleh dưi ksiêm dlăng, ba lu klei dleh dlan. Hŏng Việt Nam, klei tĭng jiă truh 46% srăng hmăi prŏng truh kơ hdră ba čhĭ mnơ̆ng kơ ala tač êngao, hmăi truh kơ mnuih mă bruă, anôk bruă duh mkra.

Leh hmư̆ klei blŭ mơ̆ng Khua anôk bruă bi ala Việt Nam ti ala tač êngao, Khua knŭk kna lač klă: Dŭm klei bi kdơ̆ng wĭt lehanăn hdră mdrơ̆ng mơ̆ng dŭm ala čar hŏng hdră mtrŭn jia mrâo mâo lu lehanăn mdê mdê, tui hluê hŏng hnơ̆ng hmăi hŏng hdră duh mkra. Khua knŭk kna mtă kơ Pô bi ala hlăm wưng ti anăp brei pral mâo klei hâo hưn kơ hdră êlan, hdră msir mdrơ̆ng hlăm wưng bhiâo lehanăn hlăm wưng sui mơ̆ng dŭm ala čar djŏ tuôm kơ klei Mi mđĭ jia./.