Blŭ hrăm ti anôk bi kƀĭn, Khua knŭk kna Phạm Minh Chính bi mni kơ klei gĭr leh anăn boh tŭ dưi mâo mơ̆ng dŭm dhar bruă, boh nik bruă klam phŭn mơ̆ng êpul kahan ksiêm yang ƀuôn, klei hgŭm kjăp mơ̆ng phŭn, dhar bruă, alŭ wăl, klei hrăm mbĭt, nao ai mơ̆ng mnuih ƀuôn sang, anôk bruă duh mkra. Hlăm wưng kơ anăp, Khua knŭk kna lač klă kơ dŭm êpul bruă phŭn, hlăm anăn ktrâo lač kơ bruă pŏk ngă dŭm bruă klam mjêč mơ̆ng ară anei truh Tết Nguyên đán Giáp Thìn 2024.

Boh nik, kơ klei tla prăk êđăp ênang ala ƀuôn, Khua knŭk kna mtă kơ Khua Knơ̆ng bruă sang čư̆ êa 12 alŭ wăl hnưm pŏk ngă bruă tla kơ klei êđăp ênang ala ƀuôn mơ̆ng hdră amâo yua prăk hla. Khua knŭk kna mtă, Phŭn bruă čih mkra Hdră bhiăn bi hgŭm hŏng Phŭn bruă kahan ksiêm mkăp Hră mơar hdră bhiăn hlăm kdrăp VNeID ti Thừa Thiên Huế hlăm gưl I/2024 čiăng bi lar hlăm kluôm ala./.