Hluê klei hưn mơ̆ng Phŭn bruă Hdră kčah lehanăn Duh bi liê, hnơ̆ng đĭ kyar 9 mlan đĭ hĭn mkă hŏng hnơ̆ng kčah mtrŭn, GDP 3 mlan gưl 2 đĭ 7,4%, tĭng kluôm 9 mlan đĭ 6,82%. Jih 3 hdră lŏ hma, tuh tia lehanăn dŭm bruă nah tluôn đĭ kyar jăk.

Hdră mkŏ dăp bruă duh mkra mâo klei bi mlih jăk. Kơ bruă klam, hdră msir phŭn hlăm mlan 10, 3 mlan gưl 4 thŭn 2024 lehanăn wưng ti anăp, Khua knŭk kna Phạm Minh Chính mtă kơ dŭm gưl, dhar bruă, alŭ wăl lŏ dơ̆ng hluê ngă mđrăm mbĭt, tŭ dưn dŭm bruă klam, hdră msir hŏng ai tiê: Gĭr jih hnơ̆ng – Gĭr jih ai tiê – Ngă bruă kjăp – Bi leh tŭ dưn dŭm mta kñăm, bruă klam thŭn 2024 mjing boh kdrŭt kơ thŭn 2025. Hlăm anăn, bi leh bruă mkra sang dôk kơ dŭm gŏ sang êa kpuh mđing kyua yan adiê ngă, mtruư̆t mđĭ bruă mkăp ngăn prăk duh bi liê 140 êbâo êklai mđing kơ bruă sang dôk hlăm yang ƀuôn, tal êma jing mtrŭt mđĭ bruă duh mkra, mnia mblei, mjing hdră duh ƀơ̆ng kơ mnuih ƀuôn sang, mkra mđĭ klei hdĭp mnơ̆ng dhơ̆ng, ai tiê klei mĭn, boh nik msir mghaih klei truh mơng angĭn êbŭ leh êgao lehanăn mtrŭt mđĭ hdră duh bi liê knŭk kna kñăm mjing boh kdrŭt kơ hdră mđĭ kyar bruă duh mkra – ala ƀuôn./.