Tlam mbruê (11/9), ti gŭ klei gĭt gai mơ̆ng Khua knŭk kna Phạm Minh Chính Dhar bruă knŭk kna mkŏ mjing leh klei bi kƀĭn mkŏ mjing hdră bhiăn hlăm anăn bi trông leh anăn brei klei blŭ kơ Hră čih Hdră bhiăn mlih mrâo, mbŏ dŭm mta mơ̆ng Hdră bhiăn ngăn prăk, hdră bhiăn tĭng yap, Hdră bhiăn ksiêm yap êngiê, Hdră bhiăn prăk knŭk kna, Hdră bhiăn kriê dlăng, yua prăk knŭk kna, Hdră bhiăn kriê dlăng jia, hdră bhiăn kriê pioh. 

Ti anăp boh klei adiê hjan êa lip hmăi kjham ngă djiê leh anăn luč ka thâo ƀuh giăm 300 čô, 780 čô êka, lu đang djam tam, mnơ̆ng rông luč liê, blŭ hrăm mphŭn pŏk klei bi kƀĭn, Khua knŭk kna Phạm Minh Chính mơĭt klei êmuh hrăm, bi juh mơ̆ng Khua gĭt gai Đảng, Khua lăn čar Tô Lâm leh anăn Khua Knŭk kna hŏng gŏ sang mâo mnuih djiê, êka, mbĭt anăn mtă kơ dŭm alŭ wăl ngă jăk klei đru kơ mnuih ƀuôn sang. Khua knk kna iêô mthưr mnuih ƀuôn sang, êpul bruă, anôk bruă alĭ wăl amâo tŭ klei luč liê đru kơ mnuih ƀuôn sang, êpul bruă, anôk bruă duh mkra hmăi djŏ, hlăm ai tiê “hlei mâo ƀiă đru ƀiă, mâo lu đru lu” mâo mnơ̆ng đru mnơ̆ng, mâo ai đru ai”, “bi khăp, bi đru”, “hla hluôm hruôm hla tĭ, hla tĭ lŏ hruôm hla tĭ hĭn čiăng găn klei dleh dlan anei.