Klei bi kƀĭn bi trông kơ 5 boh phŭn, hlăm anăn mâo hră čih hdră bhiăn mâo: Hdră bhiăn mlih mrâo, mbŏ dŭm mta mơ̆ng Hdră bhiăn răng mgang; Hdră bhiăn gang mkhŭ čhĭ mnia mnuih (lŏ mlih mrâo); Hdră bhiăn bi mklă hră mơar (mlih mrâo) leh anăn 2 hdră mtrŭn mkŏ mjing hdră bhiăn mâo: Hdră bhiăn jia anôk bruă duh mkra (lŏ mlih mrâo); Hdră bhiăn phat kđi (lŏ mlih mrâo).

Klei bi kƀĭn hŏng 5 boh phŭn, jing dŭm boh phŭn yuôm bhăn, dleh dlan, mâo klei hmăi êlam kơ bruă duh mkra- ala ƀuôn, Khua knŭk kna mtă kơ phung hlăm knŭk kna kƀĭn klei thâo; klei blŭ khuăt, kƀĭn bi trông kơ bruă yuôm bhăn, bi klei blŭ mdê mdê brei bi trông, akâo klei blŭ knŭk kna, rơ̆ng hnơ̆ng jăk Klei bi kƀĭn. Boh nik, Khua knŭk kna mtă kơ dŭm anôk bruă hâo hưn mtô mblang mđing pioh lu hĭn kơ bruă hâo hưn mtô mblang mkŏ mjing hdră bhiăn, hâo hưn hdră êlan, mtô klei thâo kơ mnuih ƀuôn sang, boh nik mguôp klei blŭ mkŏ mjing hdră bhiăn mơ̆ng phung thơ̆ng kơ bruă, kreh knhâo, mâo lu klei thâo ala tač êngao./.