Hơêč hmưi kơ mnuih ƀuôn sang mrâo drông Tết Ất Tỵ 2025 jăk mơak, bŏ hŏng klei khăp, êđăp ênang, grăp boh sang mâo Tết sơăi, kluôm ala mâo Tết, Khua knŭk kna ksiêm dlăng, bruă mkŏ mjing mprăp, drông Tết rơ̆ng jăk mơak, êđăp ênang, mkiêt mkriêm, grăp boh sang mâo Tết, dưi ngă hdră kñăm hlue si klei gĭt gai mơ̆ng Anôk dlăng bruă Đảng leh anăn Knŭk kna, Khua knŭk kna; mjing ai êwa kdrưh kơăm, hơ̆k mơak, mjing boh kdrŭt, ai êwa, klei mơak kơ jih djuê ana mŭt hlăm thŭn 2025.

Khua knŭk kna brei thâo, anăp anei bruă Đảng knŭk kna srăng mkŏ mjing klei bi kƀĭn tal êlâo; mtă kơ dŭm phŭn, dhar bruă, alŭ wăl ngă bi jăk 13 êpul bruă phŭn leh anăn 67 bruă klă klơ̆ng kơ dŭm phŭn, dhar bruă, anôk bruă, alŭ wăl kƀĭn pŏk ngă leh Tết; lŏ dơ̆ng mđĭ bi liê knŭk kna, boh nik dŭm hdră bruă yuôm bhăn mơ̆ng ala čar, dŭm Hdră kñăm ala čar; jih ai tiê, tŭ dưn bruă bi khăp êpul bruă; mđing hlue ngă hdră msir rơ̆ng êđăp ênang mă bruă; ngă jăk hdră êlan êđăp ênang ala ƀuôn, mđĭ ktang bruă mkra mjing mnia blei, mjing bruă mă, hdră duh ƀơ̆ng kơ mnuih ƀuôn sang, gĭr ngă hdră kñăm mđĭ kyar thŭn 2025 mơ̆ng 8% kơ dlông…