Hruê 16/9 mbruê, ti Anôk bruă Knŭk kna, Khua knŭk kna Phạm Minh Chính gĭt gai leh Klei bi kƀĭn phung phung khua kiă kriê dŭm Phŭn, dhar bruă djŏ tuôm, tĭng dlăng bruă pŏk ngă Hdră mtrŭn 36 kơ bruă mđĭ kyar hdră duh mkra êa ksĭ Việt Nam hơĭt kjăp truh thŭn 2030, hnơ̆ng trah dlăng truh thŭn 2045  lehanăn dŭm bruă djŏ tuôm hlăm Hdră mtrŭn Klei bi kƀĭn tal XIII mơ̆ng Đảng.

Hluê klei hlak mblang kluôm boh klei mâo hlăm tar rŏng lăn, hlăm krĭng lehanăn Êa ksĭ Ngŏ ăt msĕ mơh klei čiăng mđĭ kyar ala čar hlăm boh klei mrâo, Khua knŭk kna Phạm Minh Chính gĭt gai dŭm Phŭn, dhar bruă, alŭ wăl djŏ tuôm hlăm wưng ti anăp brei lŏ dơ̆ng hluê ngă kjăp hdră êlan mtrŭn mơ̆ng Đảng, hdră bhiăn mơ̆ng Knŭk kna, hlăm anăn mâo Hdră mtrŭn Klei bi kƀĭn tal XIII mơ̆ng Đảng, Hdră mtrŭn mrô 36 kơ bruă mđĭ kyar hdră duh mkra êa ksĭ Việt Nam hơĭt kjăp truh thŭn 2030, hnơ̆ng trah dlăng truh thŭn 2045; Hdră mtrŭn 44 kơ bruă răng mgang Ala čar hlăm boh klei mrâo, pral pŏk ngă tŭ dưn dŭm hdră bruă kñăm ba wĭt boh tŭ dưn yuôm bhăn, klă sĭt hĭn hlăm djăp mta ra bruă./.