Blŭ ti knăm anei, Khua knŭk kna brei thâo, hlăm wưng ti anăp, bruă adôk dleh dlan, lu klei lông dlăng, klei kpĭ prăk luič ênoh mâo ktrŏ, kyua anăn brei thâo klă klei mrâo hlăm ala čar lehanăn tar rŏng lăn čiăng tui duah klei găl mđĭ lar jih klei jăk dôk mâo, klei êdah kdlưn mơ̆ng ala čar kñăm ba mdah hdră mtrŭn djŏ guôp, tŭ dưn. Brei ngă bruă êjai mă klei hriăm êjai.

Brei bi mguôp hdră mtrŭn bruă ngăn prăk, mnia mblei, duh bi liê čiăng mđĭ kyar, bi h’ĭt bruă duh mkra kluôm, ksiêm dlăng klei prăk luič ênoh. Mbĭt anăn, Khua knŭk kna mtă, anôk bruă knơ̆ng prăk brei ba akŏ hlăm bruă bi mlih mrô čiăng bi hrŏ ênoh bi liê kơ mnuih ƀuôn sang, anôk bruă duh mkra. Khua knŭk kna đăo knang, knơ̆ng prăk ngă jăk leh brei lŏ ngă jăk hĭn, mđĭ lar klei găl mâo, mđĭ boh tŭ ngă leh, hgao jih klei dleh dlan, lông dlăng čiăng ngă jăk hĭn hlăm wưng ti anăp./.