Khua knŭk kna Phạm Minh Chính mñă klă klei kñăm, klei gĭr hâo bi kdơ̆ng hŏng klei mă kan hdang soh hŏng hdră bhiăn, amâo hưn mdah leh anăn amâo hlue si klei kčah mtrŭn (IUU) kyua anei jing klei ktưn hưn, kơhưm mơ̆ng Đảng, Knŭk kna leh anăn mnuih ƀuôn sang lu ala čar. Kyua anăn amâo dưi ôh amâo ngă leh anăn amâo dưi bi kdung sui ôh.

Hlăm wưng kơ anăp hlăk Êpul mă bruă tal 5 mơ̆ng EC amâo lŏ hriê lu ôh, Khua knŭk kna  mtă brei ngă bruă klă sĭt, amâo mâo knŏng bi êdah ti êngao ôh, amâo ñĕ kơ bruă klam, klei kñăm jing klei gĭr bi kdơ̆ng hŏng bruă hiu mă kan hdang soh hŏng hdră bhiăn IUU, lăm lui “hră kñĭ” IUU čiăng pioh kơhưm ala čar, kyua klei đĭ kyar bruă kan hdang hơĭt kjăp, kyua klei hdĭp jăk mơak kơ mnuih ƀuôn sang; brei ngă kyua klei ktưn hưn, kơhưm mơ̆ng ala čar, kyua klei dưi djŏ klă, djŏ hdră bhiăn kơ mnuih ƀuôn sang, kyua klei đĭ kyar, mtăp mđơr.