Hlăm klei bi kƀĭn phung hlăm Knŭk kna bi trông, ksiêm dlăng, brei klei blŭ hŏng 9 boh phŭn mâo 7 akŏ mkŏ mjing hdră bhiăn leh anăn 2 hră čih Hdră bhiăn. Klah čŭn mmông mă bruă, Khua knŭk kna Phạm Minh Chính mñă klă, 9 boh phŭn bi trông hlăm klei bi kƀĭn anei jing bruă mprăp yuôm bhăn kơ Hdră mkŏ mjing hdră bhiăn thŭn 2024 leh anăn hlăm wưng kơ anăp.

Khua knŭk kna bi nmni kơ dm Phŭn bruă: kahan ksiêm, lĭng kahan, hdră bhiăn, rŭ mdơ̆ng, Phŭn bruă ngăn dŏ leh anăn wăl hdĭp mda, knơ̆ng prăk knŭk kna Việt Nam gĭr mprăp jăk, hưn mdah dŭm klei mtă čih mkra hdră bhiăn; hlue ngă jăk, mblang bi klă, mâo tur knơ̆ng. Khua knŭk kna bi mni kơ klei blŭ đua klam, djŏ hŏng boh sĭt ai tiê mkŏ mjing mơ̆ng phung hlăm Knŭk kna leh anăn mtă kơ phung Khua phŭn bruă gĭt gai hlue ngă bi jăk, djăp ênŭm klei blŭ phung hlăm knŭk kna, bi leh klei mtă mkŏ mjing hdră bhiăn hlue si hdră kčah.