Leh hmư̆ klei blŭ mguôp, klah čŭn klei bi kƀĭn, Khua knŭk kna Phạm Minh Chính bi mklă, klei tŭ dưn klei ruă Covid-19 jing klei tŭ dưn mơ̆ng yang ƀuôn, ti gŭ klei gĭt gai mơ̆ng Đảng Cộng sản Việt Nam, Anôk dlăng bruă Đảng gưl dlông, Phŭn bruă kđi čar, jing Khua gĭt gai Đảng Nguyễn Phú Trọng.

Kơ hdră tă, bruă klam hlăm wưng kơ anăp Khua knŭk kna mtă, lŏ dơ̆ng bi leh klei bhiăn, hdră êlan, ruh mgaih klei dleh dlan gun kpăk hlăm hdră gang mkhư̆ klei ruă tưp, hlăm anăn msir mgaih klei gun kpăk hlăm hdră bhiăn leh anăn mjing jar hdră bhiăn djăp ênŭm, djŏ guôp, ngă djŏ klei čiăng gang mkhư̆ klei ruă tưp  jing blei êa drao, vaccin, kdrăp mnơ̆ng mdrao mgŭn hlăm djăp boh klei, wăt hlăm boh klei mjêč.