Mta kñăm mơ̆ng anôk bruă hiu čhưn ênguê ala čar drei truh ti thŭn 2025 srăng drông ƀiă êdi 35 êklăk čô tuê ala tač êngao lehanăn 120 êklăk čô hlăm ala čar, truh thŭn 2030 drông 50 êklăk čô tuê hiu čhưn ala tač êngao, 160 êklăk čô hlăm ala čar. Čiăng bi sĭt mta kñăm anei, hluê Khua dhar bruă hiu čhưn ênguê brei mâo klei bi mlih hlăm klei mĭn, hdră ngă hŏng dŭm hdră msir mrâo, mđrăm mbĭt, tŭ dưn; hluê ngă “Hdră bi hgŭm kjăp, kluôm”.

Khua knŭk kna mtă kơ Klei bi kƀĭn lŏ bi trông êlam hĭn kñăm tui duah hdră msir hlăm wưng sui kơ klei anei; mđing kơ dŭm bruă phŭn čiăng kơ anôk bruă hiu čhưn ênguê đĭ kyar pral lehanăn h’ĭt kjăp. Khua knŭk kna mtă brei mđing ba mtrŭn ya hdră čiăng mđĭ klei bi hgŭm lehanăn mđĭ kyar bruă hiu čhưn ênguê, mđĭ boh tŭ bruă ba yua djăp ai dưi, klei mâo; brei čih mkra klei bhiăn mtrŭt mđĭ, mjing klei găl mđĭ kyar bruă hiu čhưn ênguê; Ba mdah hdră msir mđĭ klei thâo mnuih mă bruă hiu čhưn ênguê./.