Blŭ ti knăm anei, Khua knŭk kna Phạm Minh Chính mñă klă, Lăn dap kngư jing alŭ wăl phŭn, yuôm bhăn kơ hdră duh mkra, kđi čar, răng mgang klei êđăp ênang, bruă lĭng kahan lehanăn wăl anôk lăn êa mơ̆ng ala čar. Đảng, Knŭk kna, phung Khua gĭt gai Đảng dŭm ênuk gưl mđing dlăng nanao kơ hdră mđĭ kyar lehanăn h’ĭt kjăp ti krĭng Lăn dap kngư, ba mdah lu Hdră mtrŭn, klei klah čŭn, giăm anei jing Hdră mtrŭn mrô 23 mơ̆ng Phŭn bruă kđi čar kơ “Hdră êlan mđĭ kyar bruă duh mkra – ala ƀuôn lehanăn rơ̆ng klei êđăp ênang ti krĭng Lăn dap kngư truh thŭn 2030, hnơ̆ng trah dlăng truh thŭn 2045”.

Hŏng ai tiê “Kluôm ala kyua Lăn dap kngư, Lăn dap kngư hgao klei dleh dlan mbĭt hŏng kluôm ala”, Khua knŭk kna čang hmăng lehanăn đăo knang, bruă Đảng, bruă sang čư̆ êa, êpul kahan lehanăn mnuih ƀuôn sang dŭm čar krĭng Lăn dap kngư, hŏng klei găl mâo, ai êwa mrâo, boh kdrŭt mrâo srăng hgao jih klei dleh dlan, lông dlăng, mjing klei bi mlih prŏng hlăm hdră mđĭ kyar bruă duh mkra – ala ƀuôn, mjing tur knơ̆ng hluê ngă tŭ dưn bruă klam răng mgang klei êđăp ênang hlăm wưng ti anăp./.