VOV4.Êđê - Ti anôk bruă knŭk kna, Khua knŭk kna Phạm Minh Chính, Khua anôk bruă ala čar gĭt gai hdră gang mkhư̆ klei ruă Covid 19 gĭt gai leh Klei bi kƀĭn tal 16, mkŏ mjing online plah wah Knŭk kna hŏng 63 čar, ƀuôn prŏng gưl dlông. Blŭ klah čŭn knăm anei, Khua knŭk kna mñă klei yuôm mơ̆ng Klei kƀĭn anei hlăk klei ruă Covid 19 lŏ bluh mâo, mơ̆ng anăn tĭng dlăng lehanăn ba mdah dŭm hdră msir, bruă klam djŏ guôp hlăm wưng ti anăp kñăm ksiêm dlăng kjăp klei ruă anei hlăm kluôm ala. Ti anăp klei mâo dleh dưi ksiêm dlăng, bluh mâo lu mta kman mrâo, hlăk kháng thể vaccine srăng hrŏ hluê hruê mlan, Khua knŭk kna lač brei ngă bruă kjăp hĭn, amâo dưi ngă ngơi. Ñu mñă, mta kñăm mrô sa jing amâo lui klei ruă anei tưp lar; mtrŭt mđĭ hĭn hdră lŏ tlŏ vaccine. /.

H ‘ Nêc pô mblang