Khua knŭk kna Phạm Minh Chính gĭt gai Klei bi kƀĭn tal 3 Êpul gơ̆ng gĭt gai krĭng dap mnai Krông Hồng
Thứ sáu, 08:25, 10/05/2024
VOV Tây Nguyên
VOV Tây Nguyên
VOV4.Êđê- Aguah 9/5, ti Anôk bruă knŭk kna, Khua knŭk kna Phạm Minh Chính, Khua Êpul gơ̆ng gĭt gai krĭng Dap Mnai krông Hồng gĭt gai Klei bi kƀĭn tal 3 mơ̆ng Êpul gơ̆ng čiăng hưn mdah Hdră kčah krĭng dap mnai krông Hồng wưng 2021-2030, tă hdră truh thŭn 2050; ksiêm wĭt 1 thŭn hlue ngă Hdră mtrŭn mơ̆ng Phŭn bruă kđi čar leh anăn Hdră mtrŭn mơ̆ng Knŭk kna; ksiêm dlăng klei bhiăn hdră êlan mdê hjăn mđĭ kyar krĭng; hdră kčah gĭt gai krĭng leh anăn ksiêm dlăng bruă pŏk ngă hdră bruă phŭn krĭng dap mnai krông Hồng.
Leh hmư̆ klei blŭ, klah čŭn hlăm klei bi kƀĭn, Khua knŭk kna Phạm Minh Chính čih yap leh anăn bi mni klei gĭr mơ̆ng krĭng mbĭt anăn bi mni klei đru mguôp mơ̆ng krĭng hlăm bruă mđĭ kyar bruă duh mkra kluôm ala.
Mbĭt anăn, Khua knŭk kna ăt lač kơ klei kƀah, dleh dlan, lông dlăng hlăm anăn mñă klă, bruă duh mkra ala ƀuôn mđĭ kyar ka bi knar ôh hŏng klei găl, klei mâo, bruă klam yuôm bhăn mơ̆ng krĭng; dŭm alŭ wăl mđĭ kyar amâo bi knar, knang lu hlăm prăk leh anăn mnuih mă bruă. Khua knŭk kna mtă, pŏk ngă hdră kčah leh anăn mđĭ kyar bruă duh mkra ala ƀuôn krĭng dap mnai krông Hồng brei mâo klei bi hgŭm, kluôm kjăp ktang./.
Viết bình luận