Phung hlăm êpul hgŭm lač kơ klei bi lông, pah mni leh anăn mblang mta phŭn, klei hriăm leh anăn hưn mdah bruă klam, hdră msir thŭn 2024 kñăm mlih mrâo mđĭ hnơ̆ng jăk bi lông, pah mni, bi leh hră mơar klei bhiăn mă bruă mơ̆ng êpul hlue hdră mbha klă bruă klam, mđĭ lar bruă klam grăp êpul, mđĭ klei tŭ dưn mơ̆ng Êpul gơ̆ng.

Thŭn 2023, lu hdră bi lông dưi pŏk ngă tŭ dưn, mâo klei lar bra, bruă mpŭ mni kơ phung êdah êdi dưi hmao hlue ngă, Khua lăn car, Khua knŭk kna mâo leh êbeh 1,900 hdră mtrŭn pah mni kơ êbeh 103 .600 êpul, phung mâo klei tŭ êdah êdi. Khua knŭk kna Phạm Minh Chính mñă klă, pah mni brei djŏ, hmao leh anăn mđing kơ bruă ksiêm dlăng, mđĭ hlue ngă hdră bi lông, ñĕ kơ klei pŏk ngă knŏng hlăm hră mơar, mâo lu klei ngă soh; mđĭ ktang bruă hâo hưn mtô mblang, hmao thâo ƀuh, hriăm mbŏ leh anăn bi lar phung êdah êdi./.