Hlăm klei kƀĭn, phung khua êmua knŭk kna hmư leh klei hưn hdră kơ Hdră bhiăn duh bi liê bruă knŭk kna (mkra mlih), Klei hưn mdah kơ hdră bhiăn mkra mlih, bi mbŏ dŭm mta hlăm hdră bhiăn čuăl mkă, hdră bhiăn duh bi liê, hdră bhiăn bi lông blei, klei hưn mdah kơ hdră bhiăn bui mbŏ dŭm mta mơ̆ng hdră bhiăn ngăn prăn knŭk kna, hdră bhiăn kriê dlăng, yua ngăn prăk knŭk kna, Hdră bhiăn mkăm pioh ala čar…

Boh nik hŏng hdră bhiăn Duh bi liê bruă knŭk kna (mkra mlih) hluê si Khua knŭk kna Phạm Minh Chính, tur knơ̆ng srăng mâo mơ̆ng boh sĭt, mpŭ kơ boh sĭt, mă boh sĭt jing mnơ̆ng mkă ñĕ kơ klei amâo mâo djŏ, nĕ kơ klei ngă soh mơ̆ng knuă druh, hŭi soh amâo mâo jhŏng ngă, mơ̆ng anăn luč liê ai dưi, mđĭ ênoh bi liê kơ mnuih ƀuôn sang leh anăn knơ̆ng bruă. Khua knŭk kna mñă klă, amâo dưi mkŏ mjing klei ngă bruă akâo brei, srăng ba yua mbruă dŭm ênoh prăk hlăm leh anăn êngao lăn čar, ngăn prăk mơ̆ng gưl dlông leh anăn alŭ wăl, mđĭ hĭn klei ksiêm dlăng, nĕ kơ klei mjhua ngă klei ƀơ̆ng ngăn, klei amâo mâo djŏ, hmao pah mni, ƀuah mkra ktang phĭt.