Anei jing klei kƀĭn knŭk kna thơ̆ng kơ bruă mkŏ mjing hdră bhiăn tal 9 hlăm mlan 9 leh anăn jing gưl kƀĭn tal 10 thŭn 2024 bi trông kơ lu mta phŭn yuôm bhăn. Blŭ hrăm hlăm klei kƀĭn, Khua knŭk kna Phạm Minh Chính ktrâo klă, mkŏ mjing, bi kluôm ênŭm klei kiă kriê, hdră bhiăn jing 1 hlăm 3 klei kdlưn hĭn, klei kiă kriê jing ai dưi, boh kdrŭt kơ klei đĭ kyar.

Khua knŭk kna mñă kơ phung khua hlăm knŭk kna, phung khua Phŭn bruă, gĭt gai bruă mkŏ mjing hdră bhiăn, mđing tal êlâo kơ anak mnuih, kdrăp yua, ngăn prăk kơ bruă mkŏ mjing hdră bhiăn, bi myuôm ai tiê, bruă klam, kñăm kơ klei êngiê, hdră bhiăn bruă knŭk kna, amâo mâo dưi dêč, mplĕ kơ pô mkăn, ti anăp srăng đru kơ klei kƀĭn tal 8, Bruă Kƀĭn Ala gưl 15.