Hlăm klei kƀĭn, Khua Knŭk kna mñă brei kñăm jih ai dưi čiăng đru dŏng anak mnuih, dlăng kriê phung êka, thâo klă boh sĭt, alŭ wăl klah hjăn. Khua Knŭk kna mñă brei ksiêm dlăng, bi klă boh sĭt, tiŏ nao êpul hŏng djăp hdră, iêo jak grăp ai dưi čiăng nao truh alŭ wăl čiăng mâo klei đru dŏng.

Khua Knŭk kna mñă kơ Phŭn bruă ngăn prăk mkăp brei mtam braih kơ dŭm čar, ti anăp jing đru kơ čar Lâm Đồng 200 êklai prăk, čar Khánh Hoà 200 êklai prăk, čar Dak Lak leh anăn Gia Lai grăp čar 150 êklai prăk mbha mtam kơ dŭm alŭ wăl. Khua Knŭk kna jao hlăm aguah anei, 21/11, k’iăng Khua Knŭk kna Lê Thành Long  nao mtam ti čar Gia Lai, k’iăng Khua Knŭk kna Hồ Đức Phớc nao mtam ti čar Dak Lak. k’iăng Khua Knŭk kna Hồ Quốc Dũng  nao mtam ti Lâm Đồng čiăng gĭt gai bruă gang mkhư̆, mgaih msir boh jhat yan adiê ngă, yuôm hĭn jing đru dŏng mtlaih anak mnuih.