Blŭ hrăm ti knăm anei, Khua knŭk kna bi mni ai tiê ngă bruă mjêč, tŭ dưn mơ̆ng dŭm Phŭn, dhar bruă, alŭ wăl lehanăn dŭm klei blŭ hrăm ti dŭm Anôk bi kƀĭn, bi êdah klei gĭr hlăm bruă hluê ngă hdră hiu mă kan hdang IUU lehanăn gĭr lăm lui “Hră kñĭ” mơ̆ng EC hlăm thŭn 2025.

Khua knŭk kna mtă kơ phung khua dŭm phŭn, dhar bruă, alŭ wăl tŭ đua klam kluôm dhuôm anăn Knŭk kna, Khua knŭk kna tơdah mâo hô̆ mran ngă soh amâo dah ngă êmưt wưng lăm lui “hră kñĭ” IUU. Lŏ dơ̆ng hluê ngă hdră hâo hưn grăp gưl kơ wưng pŏk ngă hdră bi kdơ̆ng IUU kơ Anôk bruă gĭt gai; hluê ngă tŭ dưn dŭm Hdră mtrŭn, Klei klah čŭn, Asăp mtrŭn mơ̆ng Đảng, Knŭk kna, Khua knŭk kna, klei bhiăn bi hgŭm mlir dhar kreh, kơ hdră bi kdơ̆ng hŏng klei hiu mă kan IUU./.