VOV4.Êđê -  Hruê mbruê, 3/7, ti anôk bruă knŭk kna, Êpul gơ̆ng klei bi lông, bi ktưn gưl dlông wưng thŭn 2021 – 2026 mâo leh klei kƀĭn tal 3 ti gŭ klei gĭt gai mơ̆ng Khua knŭk kna Phạm Minh Chính, khua gĭt gai êpul.

Khua knŭk kna mtă kơ phung bi ala đru mguôp klei blŭ djŏ sĭt hŏng dŭm boh tŭ mơ̆ng dŭm êpul êya, grăp čô, hluê anăn, Êpul gơ̆ng srăng ngă dŭm hdră mơar djŏ tuôm hŏng klei êngiê, klă mngač, mtăp mđơr, djŏ hdră êlan, hdră bhiăn, năng djŏ hŏng dŭm boh tŭ dưn dưi mâo hluê si hdră bhiăn mơ̆ng Đảng, klei bhiăn ala čar. Khua knŭk kna mtă brei rơ̆ng bruă bi lông, bi ktưn, klei pah mni djŏ, klă mngač, êngiê čiăng mkŏ mjing boh kdrŭt kơ grăp čô, grăp êpul êya mâo klei năng, đru mguôp hlăm bruă mkŏ mjing leh anăn răng mgang ala čar, mbĭt anăn đru mguôp hlăm bruă gang mkhư̆ klei amâo mâo jăk hlăm klei bi lông, bi ktưn, pah mni.

Y-Ƀel pô mblang